Siarter Iaith Gymraeg

Siarter Iaith Gymraeg ac Into Film

(click here to find English version of the Welsh Language Charter page/ Cliciwch yma i fynd at Fersiwn Saesneg o waith Siarter Iaith Gymraeg)

Nod syml y Siarter iaith yw arwain at gynnydd yn nefnydd cymdeithasol plant o'r Gymraeg ac i ysbrydoli ein plant a'n pobl ifanc i ddefnyddio'u Cymraeg ymhob agwedd o'u bywydau.

Mae Into Film Cymru yn gefnogol iawn i'r fenter yma ac yn awyddus i gefnogi ysgolion sy'n mentro ar eu taith i "gamu tua'r copa".

Mae mesur cynnydd yn angenrheidiol wrth weithredu'r siarter iaith, ac mae ffilm yn gyfrwng gwych i'ch helpu i gasglu'r dystiolaeth yma.

Nod y dudalen hon yw darparu arwieniad ichi am yr holl adnoddau sydd gan Into Film i'ch helpu chi i hybu'r defnydd o'r iaith.

Creu ffilm wrth greu ffilm byddwch chi'n rhoi'r cyfle i fyfyrwyr ehangu eu geirfa, datblygu eu hyder i siarad Cymraeg a dysgu terminoleg newydd.

Defnyddiwch ein canllawiau creu ffilm boed yn ffilmio cyflwyniadau yn y dosbarth, crynhoad o brosiect, fideos o weithgareddau, rhaglen ddogfen, cyfweliadau neu'n ddrama. Gellir gweld enghreifftiau o sut y mae ysgolion wedi creu gwahanol ffilmiau yma; yn eu plith mae hyd yn oed ffilm fer ynglyn a beth yw'r Siarter Iaith.

Adolygu ffilm -  mae creu addolygiad o ffilm yn sgil sy'n rhoi llwyfan i blant a phobl ifanc ddefnyddio'u gallu ysgrifenedig a siarad mewn fformat neu arddull newydd.

Mae'n adnoddau adolygu yma i'ch helpu i ddatblygu'r sgiliau yma mewn awyrgylch dosbarth, drwy waith grwp neu unigol.

Dathlu Cymru ar Ffilm pa ffordd well o ddathlu a chodi ymwybyddiaeth am ein hanes, tirwedd, chwedlau, natur, diwylliant a threftadaeth ein gwlad na chyflwyno Cymru ar ffilm! Gellir hefyd edrych ar lwyddiant talent o Gymru yn y diwydiant ffilm!

Ffilmiau am Gymru/Yn y Gymraeg

Eisteddwch mewn stafell dywyll a dianc i fyd y ffilm drwy gyfrwng y Gymraeg. Edrychwch ar y dewis o blith ein catalog yma.

Mae nifer o ffilmiau wedi cael eu creu yn ystod y blynyddoedd dwethaf, Mae ysgolion  Into Film Cymru wedi cynhyrchu nifer o ffilmiau dros y blynyoedd dwethaf. Cliciwch yma i'w gwylio a chael ysbrydoliaeth.

Am fwy o wybodaeth cofiwch gysylltu Cardiff@intofilm.org